آشیق گوپچو
بیر گون منی گوپلایاندا/ سؤزلر گؤتونه گیریب، آغزیندان چیخاجاق/ پوخلو سؤزلرین نه اولدوغونو آنلایاجاقسان/ اؤز سؤزلرینین اییسینه بوغولوب/ بورنونو توتاجاقسان/ پوخلو سؤزلرین بوغازیندا قورویوب/ شاققیلداغا چئوریلهجک/ بیرینی منه توللاسان بیلهجم کی/ او توللادیغین شاققیلداق/ هانسی ایلیندیر!/ بیر آز سؤزلریندن موغایات اول/ بو قدر سؤزلرینه اوستوراق مارکی یاپیشدیریب/ تولازلاما هر یئره/ اوستوراغین حؤرمتینی ساخلا/)
رامین جهانگیرزاده
آشیق گوپچو مئیدانا دوشوب باشلادی دانیشماغا:
ـ هه! گون اورتانیز خئییرلی اولسون عزیز دوستلار، ! دئییرم بلکه بیر آز الیمه توپوروم، سازی گؤتوروم دیللندیریم. یوخ بیر دیرناق آراسی گلیم اوندان سونرا باشلاییم سازی دیللندیرمهیه.
قوربانام بالابانا
بو سازی یارادانا
سازی ائله چالارام
محو اولار آلا دانا
آشیق گوپچو بیر بایاتی اوخویاندان سونرا الینه توپوروب، سؤزلو سازی باسیر باغرینا. سازینین سیمینین بیرینه میضرابی ووراندا سازین سیمی دینق دئییب قیریلیر. آشیق اؤزونو اله آلیب دئییر:
- عزیزلریم هئچ بیر پرابلئم یوخ، ایندی سازیمین او بیری سیملریله سازی دیللندیرهجم. اؤزونوزه آلمایین! ائله بئله اولار. آشیق گوپچو یئنه الینه توپوروب میضرابی آلیر بارماقلارینین آراسینا. سازین او بیری سیمینه میضرابی چالارکن، یئنه سازین سیمی دینق دئییب قیریلیر.
آشیق بیر سازا باخیر بیر اؤزونه بیر ده جاماعاتا، اؤز اؤزونه ـ ایچیووه نمنمنه اولسون، منی بیابیر ائلهدین! ـ میزالداییر. سونرا همشه کی کیمی اؤزونه مخصوص اولان ایفادهایله اوزونو جاماعاتا توتوب دئییر:
ـ هه عزیزلریم سازین سؤزونه میضراب دؤزه بیلمیر، اونا گؤره بوتون وار گوجو ایله سازین سؤزلو سیملرینی قیریر، بو مندن آسیلی دئییل. بو سازدا اولان حقیقی سؤزلردی.
آشیق گوپچو هئچ بیر ماهنی چالماسا دا، اؤزونو بیر تهر قورتاریر. سیمسیز سازینی بئلینه آلیب ائوه گئدیر. سازین قولوندان یاپیشیب چوغوندور کیمی قزارارکن چیرپیر دیوارا. سونرا اوتوروب سازی یامانلاییر:
ـ توو سنی جورلایانا! چؤزگورهلر سنین چاناغینا! آشیق اولدوم چؤرک چیخاردام، چؤرک یوخ جیریغیمی چیخارتدین. داها بوندان سونرا آشیقلیق ائتمهیهجم! من گرک معللیم اولام! اؤزوده خالیصیندن!
آشیق گوپچو بو احوالاتدان سونرا معللیمچیلیک ایشی ایله مشغول اولور… ایندی بو آشیق گوپچونون گوپلامالاریندان بیرینی بورادا گتیریریک…شیق گوپچونون
* * * *
«گون آيدين عزيزدوستلار، هامينيزي صميم قلبدن سالاملاييرام ، اورموگولونون دردي ايله بئله اوره يي يانان بيرمعليم.
وطنداشلاريم ، يورولماسين يازان و يارادان اللرينيز .
نه بيليم بلكه ده اورموگولو بيليرميش بوگونوميزي -
بيليرميش خيانتكار اولاراق "گوله قارغي سانجان"(اوزدن ايراق)بير سيچان قاراسي كيمي اوره‌ك بولانديران، " بوزورگ امين " كيمي بيرياراماز، گونئي ادبياتينين كوكونو دانيب و سيرتيقجاسينا باشيميزي باتيراجاقميش...
يولداش‌لار، منيم بيرنئچه گون سوكوتدان سونرا ،هئچ ده قصديم يوخ ايدي درين و دورولا-دورلا و بورولا-بورولا زمانه ميزه قدر گليب چيخان و دونيا اوزره لاييقلي يئرين توتان ديل و ادبياتيميزين دالغاسيندا كوپوك تك ، كوپه‌ن وآغزينا گلن " ميرجعفربوزورگ امينه " باش قوشام .
كئچن دفعه سيزه دئديم كي ، من بير پنسيا آلان (بازنشسته اولان) بيرموعلميمم . بو يازيلاري دا اورمو دانيشگاهيندا اوخويان قيزيم كي آنا ديليمزه اولدوقجا علاقه سي وار سيزه چاتديرير . من ايلك دفعه او موصاحيبه دئييلن خيانت قاپيسي آچيلاندا دئديم كي بو بزرگ امينين اوز كوكله دييي سازدير.
و آخيردا-دا ائله بو هاوايا اوزو اويناياجاق بو بزرگ امين .
بيراينجي كامنتيم ياييلاندان سونرا ، بزرگ امين بيليردي گولله اونا هاردان ده يدي . ائله اونا خاطيرده منه مئساژ گوندردي كي گويا مني محكميه وئره‌جك !!
من اونون ايچ اوزون يعني باكي سفرينده اولان اويونبازليغيني آيدينلاشديرديم ، منه سيفاريش گوندردي دانيشگاهدا اوخويان قيزيمين گويا درسلرينه مانع توره دجك . باخين بو درجه ده بير عاجيز و كيشيليكدن خبري اولمايان بو عورش گورون مني نه ايله قورخوتماق ايسته يير ؟
دوستلار، سيزاو ويجدانيز باخين بو آنتي ادبياتدا گئدن ايرنج-ايرنج متن لرين بيرينه كي بونلارين هاميسي بوزورگ امينين گيزلي ماموريتي اوزره آلدانان يازيقلارديرمثل ايچون رامين جهانگيرزاده يازير:
ادبياتيميزا آفتافا گؤتورمه¬ييم دئيه / تووالئته آفتافاسيز گئتديم / پوخونو گؤتونده ساخلايا بيلمير / منه تووالئتدن يازماماغي تکليف ائدير/ دونیایا سیچماقدان واخت تاپمایانلار! / واختینیز اولسا / توالئتلره ده / بیر باش چکین!
عزيزدوستلار، بونودئمه لييم كي رامين جهانگيرزاده دئييلن بيري ، ائله او سوزلره لاييق اولان بير شخص دير. اردبيلده اونون دوستلاريندان(ايش يئريندن) آلديغيميز معلوماتلارا اساساً همين رامين دئييلن" يئل بئيين "آدام ، واقتي ايله او آتدان ييخيليب عصبي بيرناخوشلوغا دوشوب و ايكي ايل نذير-نيازدان سونرا(اونو جكيمه آپارماييب لار) آخيركي آدلاري و رنگلري ياديندا ساخلييا بيليب . ايندي گليب بيزه ساتيرشعرينده آنتي ادبياتدا مانيفست ياراتماق ايسته يير.
البتده همين رامينين آتاسي آتلارينين آدين قيرآت قويموش و چون قيرآت كوراوغلونون آتينين آدي اولدوغوندان ، همين رامين هارادا كوراوغلونون ناغيل كيتابين گورورموش ماغازالاردان آليب و يانديريرميش ( چون باشين ايتيرن بو آدام رواني بيرحالا دوچار اولوب ساياغلاييرميش: مني كوراوغلونون قيرآتي اوگونه ساليب...)
بلي جناب دينبيل رامين ايندي سن گليب يزرگ امينين ايپي له قويويا دوشوب و بيزيم قيزا دانيشگاهدا هده بيچيرسينيز؟ اوتان گئده ... بسديرآخي سنين كورپه قيزيندا صاباح منيم قيزيم يئرينه گله جك.
البتده من سيزين لاييقلي جاوابيزي وجوزا قوياجايام .
آقاي ميرجعفربزرگ امين ، ايندي من آچيقلاييرام من جاواد حسيني ام . منييم حالال چوره كلي بير آذربايجانلي اولماقيمي بيليرسن . آند اولسون او اوره ك لردن سيلنمه ميش آه لارا ، وآند اولسون او زيندانلاردا قيزارا-قيزارا آذربايجان ديين گنج اوغول لارا ، بوتون وارليغيمنان سنله دانيشيقا حاضيرام سنين شكيل لرينده و هانسي مقصده قوللوق و هانسي ماموريت اوزره ايشيني ده بيليريك .
عزيز دوستلار سيزه جانيم قوربان
اويمايين بئله چيركاب آداملارا ، دومان اردم آلدانما آي بالا بزرگ امينين مين ديلي وار-مين امجه يي ، سولماز قيزيم سن گنج سن قيزيم اوزون يولونو سئچمه ليسن. ادبيات ، عمليات دييل بزرگ امين اونا فرمانده ليك ائتسين ، دوستلار اينانين كي بزرگ امينين يگانه مقصدي بيزي ادبياتيمزدان آييرماق و شمالي آذربايجان ادبياتي لا، جنوبي آذربايجان ادبياتچيلاري بير-بيرنه دوشمن ائتمك دير.
بيرده كي معلومتلارا اساساً ياخين گلجك ده بزرگ امين توركيه ده قوهوملارينين بيري نن موصاحيبه ائديب و اونو آتاتورك دانيشگاهينين ديل و ادبيات كورسونون اوستادي ادلانديراجاق . بونلار اويدورمادير موطلق اينانمايين »
یازماسام ایچیمده کی کلمه لر بئینیمی دلیک دئشیک ائدر. یازیرام بلکه کال کلمه لریم یئتیشدی و کیمسه یه دادلی گلدی و .....