اکبر اکسیردن طنز سیرا قیسا شعرلر
اکبر اکسیردن طنز سیرا قیسا شعرلر
شعرلر: اکبر اکسیر
چئویرن: رامین جهانگیرزاده
1
مشروطه
ناصرالدین شاهین «DNA» سی بو ایشه یارامادی
یولا دوشدو توستولهین ماشین
اینقیلاب دئییب چیغیردیق!
شاه باغیندا دوشدوک
آزادلیق دئییب، چیغیردیق!
«ترمینال غرب»ـه یئتیشدیک
ایستیقلال دئییب، چیغیردیق!
«پیروزی» دوققوزونجو پیللهیه ائندی
ستارخان پولونون آتیندا،
ایندی من بو شعرین
نئجه سونا یئتیریمهیینده قالمیشام
2
حیوانلار قالاسی
کوچه ده قویون
مکتبده طوطو قوشو
ایدارهده اینک
ائوه یئتیشجهیین ایت اولورام
بیر چوبان جیزگی فیلمینده های کوی سالیب
«جاناوار گلدی! جاناوار گلدی!» دئیه باغیریر…
و من بوخارینین یانیندا ایلهشیب
هورورم یئنی شعرلریمی
3
قالماغین سیرری
کانگورولار هر یئرده واردیلار
نه فرقی وار آستاردا اولسون یا اوستارالیادا؟
دؤرد آیاقلی اولسالار دا
ایکی آیاقلارینین اوستونده یئریییرلر
قانادلاری اولماسا دا، اوچماغی یاخشی باجاریرلار
یورولاندا دا،
قویروقلاریننین اوستونده دایانیب، کیسه تیکیرلر
کیسه تیکنلر هر یئرده واردیلار
4
اؤزگورلوک
یاخامی اینکلرین الیندن قورتارماق اوچون
ایکی آیاغیم وارییدی
ایکی آیاق دا بورج آلدیم
بونا باخمایاراق کی
اؤژوم ده دؤرد آیاقلی اولموشدوم
5
آنتراکت
قویون یاتیب
ایت یاتیب
چوبان یاتیب
جاناوار یاتیب
سیز آللاه سیز ده یاتین
و اینانین کی
بو شعرین سونوندا
هئچ نه باش وئرمهیهجک!
یازماسام ایچیمده کی کلمه لر بئینیمی دلیک دئشیک ائدر. یازیرام بلکه کال کلمه لریم یئتیشدی و کیمسه یه دادلی گلدی و .....