Karicırmator
کاریجیرماتور
جیریغین نه اولدوغونو آنلاماق اوچون، جیریغین ایچینه کئچیب، جیریقدان باخدیق. یئرله گؤیون آراسیندا یئکه بیر جیریغین آراسیندا یاشایارکن، ییرغالانیب جیریقدان جیریغا دوشدوک. دوشونمهیه ده گوجوموز چاتمادی. جیریغین فلسفهسینده اولان جیغیر یوللار بیزیم صاباحیمیزین جیریلمیش آنلاری اولدو.
آنلادیق، آنلادیقجا بؤیودوک، بؤیودوکجه جیردیق یوللاریمیزین اوزونلوغونو. گودلدی هر نهییمیز. جیریلدی هئچ نهیین ایچینده هر نهییمیز…!
رامین جهانگیرزاده
ý جیردیغی جیریغین آراسیندان بویلانیردی.
ý چاریغینین جیریغیندان سیچان قویروغونو بوللاییردی.
ý سطیرلری جیریلدی، کلمهلری پارا دوشدو پاراگراافدا.
ý جیریقدان چیخیب یئکلدی، یئکه ـ یئکه جیردی.
ý بولودلار جیریلدی، یئرین جیریغینا یاغدی یاغیش.
ý جیریغین اوستوندن آتیلدی، آیاغی جیریغا ایلیشیب قالدی.
ý جیریغین فلسفهسینی آنلاماق اوچون، جیردی فلسفهنی، فیلوسوف اولدو.
ý کلمهلری یئکه دوشدو، سطیرلری جیریلدی، ایکییهبؤلوندو پاراگرافی.
ý دیوارداکی جیریقدا هؤرومچکلرین توروندان گونش دامیردی.
ý کاغاذی جیردی، شعرلری سوزولدو میزین اوستونه.
ý قولتوغونون آلتینداکی جیریقدان آجلیق شاهزادهسینین قارنی قورولداییردی.
ý چؤرهیی جیریقدان چیخان قادینین، گؤزلرینده اوچروم، اورهیینده سئوگی اؤلوردو.
ý آغیر بیر دئپرئم، یئرین باغری چاتلادی، جیریلدی.
ý گونشین ایلک شوعاسینا اللرینی اوزادیب جیریقدان چیخیرلار قاریشقالار.
یازماسام ایچیمده کی کلمه لر بئینیمی دلیک دئشیک ائدر. یازیرام بلکه کال کلمه لریم یئتیشدی و کیمسه یه دادلی گلدی و .....