قارغالار قیرغی بوغور

:: رامین جهانگیرزاده

قیرغی­لار قارغا دوغور

قارغالار قیرغی بوغور

قیر قارا قیرغی­لانیر

قار قیرا قارغی­لانیر

قیز وئرن قیر آغاسی

قیر وئرن قیز قاغاسی

قیرلادی قارغا بوغاز

قارلادی قیرغی آ غاز!

قیغلادی قارغا قیغین

قیرغی­لار! قارغا بوغون

بوغلایین باغلاریزی

باغلایین بیغلاریزی

باغ باغا قیغلا آغا

قیغ قیغا باغلا باغا

Qarğalar qırğı boğur

:: Ramin Cahangirzadə

Qırğılar qarğa doğur

Qarğalar qırğı boğur

Qır qara qırğılanır

Qar qıra qarğılanır

Qız verən qır ağası

Qır verən qız qağası

Qırladı qarğa boğaz

Qarladı qırğı a ğaz!

Qığladı qarğa qığın

Qırğılar! qarğa boğun

Buğlayın bağlarızı

Bağlayın bığlarızı

Bağ bağa qığla ağa

Qığ qığa bağla bağa

نیجات غفور اوغلو

کؤچورن: کؤچورجو پروگرامی

مشهور اولماغی سئومیر، هئچ او قدر ده مشهور دئییل!

1984ـ جو ایلده کوردمیر رایونوندا، ضیالی آیله­سینده آنادان اولوب. آتاسی غفور موصطفی­یئو آران رایونوندا مطبوعاتین قوروجوسو کیمی تانینیب. بیر سیرا تاریخی آراشدیرمالارین مؤلیفی اولوب.

نیجات 2001 ـ جی ایلده آذربایجان دؤولت پئداقولوژی  اونیوئرسیتئسی­نین پسیخولوگییا فاکولته­سینه داخیل اولوب. ائله 1ـ جی کورسدا اوخویارکن مطبوعاتداکی کسکین یازیلارینا گؤره 2 دفعه  اونیوئرسیته­دن خاریج ائدیله­رک سونرادان بارپا اولونوب. 2003 ـ جو ایلده  «ژورنالیست»  قزئتینده درج اولونان  «والیدئین­لر اوچون یازی»  مقاله­سینده اونیوئرسیته­ده­کی  روشوتخورلوغو، ایمتحان قیامتلرینی آشکار شکیلده گؤستردییی اوچون یئنی­دن اونیوئرسیته­دن خاریج ائدیلیب. ژورنالیستلرین داواملی پیکئر و آکسییالاری نتیجه­سینده برپا اولونوب و 2005 ـ جی ایلده اونیوئرسیتئتی بیتیریب.

غفور اوغلو 2003 ـ جو ایلده 35 طلبه ژورنالیستی بیر آرایا ییغاراق  «گنجلر اوچون»  آدلی قزئت نشر ائدیب. جمعی 5 سایی ایشیق اوزو گؤرن قزئت طلبه­لر آراسیندا بؤیوک نوفوذ قازانیر و 8000 تیراژلا چاپ اولونوب.

2005 ـ جی ایلده موسابیقه یولو ایله ایجتیماعی تئلئویزیا و رادیو یاییم شیرکتی­نین دئپارتامئنتینه ایشه قبول اولونوب. حاضیردا  «جارچی»  اینفورماسییا پروقرامی­نین بؤیوک رئداکتورودور.

پسیخولوگییا ایختیصاصی اوزره ماگیستئر تحصیل آلیر.

نیجات «موبایل سئوگی­لر»  شعر کیتابی­نین، 1 پووئستین ( «کولک قاپینی دؤینده» ) مؤلیفی­دیر.

«آرادا بیر گون آدلیپ»  قیسا مئتراژلی فیلم چکیب.

  موبایل سئوگی­لر 

SMSله یازدین سئوگی مکتوبون

تئلئفونوما چاتدی، منه چاتماییر.

مئساژدا یازیلان اعتیرافلارین،

اینجیمه منده هئئچ حیسس اویاتماییر.

نه بیلیم بلکه ده گئری قالمیشام،

چیخا بیلمه­میشم کند هاواسیندان.

بئینیم اؤیرنسه ده، اورک باش آچمیر

«موبایل سئوگی­لر»ین تئخنیکاسیندان.

دئمه­لی دییشیب «سئویرم» سؤزو

ایندی Displey­ده یازیلیر داها

دئمه­لی دییشیب سئوگی نین اؤزو

11 کونتور اولوب اعتیراف ائتمک!!!

اگر بئله­دیرسه بورجا گیره­رم

سئوه­رم باکی­نین بوتون قیزلارین!!!

*

سن تورک سئریاللارینداکی قیزلار کیمیسن

رومانتیکا گزیرسن

منیم تورک سئریاللارینداکی اوغلانلار کیمی

«رانگ رووئر« ده گزمه­یه

… چاتمیر

سن ایسته­ییرسن کی، تاپانچام اولسون

پولیسلر توتار گولوم!

سن ایسته ییرسن کی، سنی ایزله­ییم

ایشه گئتمه­سم مودور قووار، اؤزوم اؤلوم

من موخبیرم باشا دوش قوزوم

موخبیرلر اورا بورا قاچماق اوچوندور

موخبیرلر قونارار اوچون

موخبیرلر سیرتیلماق اوچوندور!!!

سنین قهرامانلاری­نین

سئوگی­دن باشقا

پروبلئملری یوخدور.

منیم سئوگی­دن اول گلن

پروبلئملریمین سایی

«سانتا باربارا»نین سئریاللاریندان دا چوخدور!!!

موصاحیبه آلیب درج ائتمه­دیییم،

سیاستچی منی سؤینده

دای­دایی اولان توپوی ژورنالیست

«قیزیل قلم»  آلیب اؤزونو اؤینده

بیر ده بورج قاپیمی دؤینده

توپوروم رومانتیکایا

بوتون سئریاللارا…

فاجیعه

بیر نفر تانیییردیم،

قوزولارین ملشدییی

کندده یاشاییردی.

و داغلارا چکیلیب گیزلین شعر یازیردی…

مکتبده سئودییی

اینکلر بؤیورن کنده

اره گئدن

سئوگیلیسین…

یئنیجه آلدیغی آروادیندان گیزلین،

بطنده­ کی  اؤولادیندان گیزلین…

یازیردی:

«بو دوغان گونشین منه دخلی یوخ

بو آچان چیچکده، منیمچون آچمیر

خیردا بیر فرحدن اوچان اوره­ییم

ائله بیل قانادی قیریلیب اوچمور»

کندلرینه بیری گلدی،

قالستوکو، سؤز صؤحبتی،

ایدیعاسی اؤزوندن بؤیوک…

پاپکاسی وعده دولو…

شاعیر اوخودو شعرلرینی اونا

وعده­لشدیلر…

5 گون سونرا

15 قوزونون پولو

بیر آز کند سووقاتی

و پاپکاسی شعرله دولو

همین شاعیر مطبعه­نین قارشیسیندا…

یئنی­جه آلدیغی آروادیندان گیزلین،

بطنده کی  اؤولادیندان گیزلین،

ـ بیر آیا کیتابین چیخار…

بیر آی سونرا

بیر آز کند سووقاتی

و پاپکاسی شعرله دولو

همین شاعیر مطبعه­نین قارشیسیندا…

یئنی­جه آلدیغی آروادیندان گیزلین

بطنده کی  اؤولادیندان گیزلین

ـ بیر آیا کیتابین چیخار

بیر آز کند سووقاتی،

قارا پاپکادا یئنی شعرلر:

«اوفوقده گؤرونمور سئوینجین ایزی،

دوشوبدور دومانا، باتیبدیر چنه

طالعه بیر ووصالی متاع ائیله­ییب

حسرتی چوخ اوجوز ساتیبدیر منه»

همین شاعیر مطبعه­نین قارشیسیندا…

چوخدان آلدیغی آروادیندان گیزلین

آیاق آچان اؤولادیندان گیزلین…

ـ 1 آیا کیتابین چیخار

«جهننم اولسون کیتابینیز»  دئدی شاعیر،

آما اوره­یینده.

اوره­یینی یئیه ـ یئیه

یول کئچنده

پوئزییادان خبرسیز

بیر مئرسئدئس…

و همین ماشینین آرخا تکری

شاعیرین جیبیندن چیخان،

ریاضیات دفترینه یازیلان،

بیر آز قانا باتان،

چاپ اولونماق آرزوسوندا اولان،

بو میصراعلارا یاپیشاراق گئتدی:

«گؤزله­دیم، ایللری کئچیریب هدر

دوشوندوم، یاز گلر بو قیشدان سونرا

ایندی قاییتسا دا سئوینمه­یه­جم

نه­ییمه گرکسن بو یاشدان سونرا»

    قایناق: آلاتوران درگی سینین ۱۰ -جو نومره سی

لطفن چيغيرين مني 

  :: رامین جهانگیرزاده

  بيردن بيره، بورودو ببکلريمي بيره­لر. 

  قارانليق يئريدي، يورودو جانيما،  

  ايچدي قورتوم ـ قورتوم قانيمي 

  - لطفن ايچمه­یين مني!-دئديم. 

  قولاغيما قوندولار 

  قارا قانادلي قارا قانلي قارغالار. 

  سيچديلار قزئتلري 

  سيچديلار تئلئ کاناللاري 

  سيچديلار خيش ـ خيشلاري 

  سيچديلار پارازئتلري 

  سيچديلار قولاغيما 

  دولدوردولار سس خزينه­مي! 

  ـ بورنونوزو توتمايين، 

  لطفن تميزله­یين

  پوخ ـ پوسورلردن قولاغيمي!-دئديم. 

  ايلان شورباسي يئييرلر 

  ايچيرلر تولکو قانيلا دوزلميش، 

  يئددي ايلليک شرابي. 

  کئفله­نيرلر تولکو ساياق 

  کئفله­نيرلر مني 

  کيفيريم چيخدي 

  کئفيمي سوروشمايين 

  - لطفن کئفلنمه­یين مني!-دئديم. 

  شيشه چکيرلر! 

  اتيمي شيشه چکيرلر 

  چيغيرما بيشيريرلر مندن 

  چيغيرما دئييرلر منه 

  ديشلرينه چکيرلر 

  ديشلرينده چيغيرا بيلميرم! 

  ـ لطفن چيغيرين مني!ـ دئديم. 

  باخديم، 

  باخارکن باتديم باتيلقانلارا. 

  پوققولداديم 

  نفسيمه دولدو زيغزيمريق 

  فرياديم قارا زيغلاردا 

  قارا پوققولتو اولدو 

  باتديم…! 

  باتديم…! 

  اللريمي چيخارتديم…! 

  يئنه ده باتديم…! 

  -لوطفـ…!- دئديم،  

  ياريدا قالدي سسيم! 

  قالانين دئيه بيلمه­ديم! 

  پوققولداديم…! 

Qarğaların səsi

Mahnıların səsinə qarışanda

Nə baş verdiyini dəlilər anlayır

Anlamsız həyatda

Dəlilər ən anlamlı adamlar olur

Dəlilər səsləri bir-brindən ayıra blirlər

Səslər ayrılır dəlilərin ağzından

Dəlilr

Səslərin ağına bozuna baxmırlar

Ağ səslər

Boz səslər

Bunların heç biri önəmli deyil

Dəlilər üçun

Bir az oyanlıq

Dəlləklər ağ dəliklərdən

Bozarırlar

Bazarın səsi qaradır

Adamların

qulağını

Gözünü

tutur qara səslər

sabah yerlərini

taxtlarını tutacaqlar

qara həvəslər

dəlilərin həvəsi

dəlilərin səsidir

sabah dəlilər qusacaqlar

qaraların həvəsini

qarğaların səsini

ايت اولماغين

باشقا عالمي وار

:: رامين جهانگيرزاده

باشلاندي اويون!

سؤز گولشديره­جکلر

سؤز صاحیبلري

صاحیب چيخاجاقلار بيزه!

ايت اولاجاييق

هوره­جه­یيک

ياليميز کسيلمه­سين دئيه

بوللاياجاييق قويروغوموزو

يييه­ميز اولاجاق

کسيلمه­یه­جک ياليميز

هورمه­یي ده ياددان چيخارداجاييق

ياددان چيخاجاق هر نه

بو گئجه

آي ايشيغيندا ياتیب

آيا

گئجه­يه

اولدوزلارا

هورمک ايسته­ديم

آنجاق هوره بيلمه­ديم

شؤنگودوم آي ايشيغيندا

گؤزلريمه دولدو آي ايشيغي

کوچوکله­دي ياشلار

داملا داملا ياناغيمدان

اولدوزلار سايريشاندا

گئجه ايشيق چيله­ينده

آي ايشيق ساچاندا

ايت اولماغين باشقا عالمي وار

سوموکلريمده شينقيلين­قوز اويناييرلار

:: آیاق یالین

بوتون قهرمانلار

بوتون فيلوسوفلار

بوتون شاعيرلر

بوتون اينسانلار

بئينيمه ييغيشيبلار

سوفره ساليبلار اؤزلري اوچون

يئييب ايچيرلر

ايسته­ديکلري یئری بولاييرلار

ايسته­ديکلري ايشلري گؤرورلر

تکي من يوخام

بير درييم بير سوموک

دريمه سامان تپيب

هر نه ائديرلر

سوموکلريمده شينقيلينقوز اويناييرلار

بير آن مني راحات بوراخسالار

کنديميزين باش باغچاسيندا

ائله راحات دولانارام کي

هئچ ياديما دا دوشمزلر

نه اونلارين ايت بوغوشدورماغيني گؤررم

نه دونیانی قاتیب - قاریشدیرمالارینی

sümüklərimdə şinqilinqoz oynayırlar

:: Ayaq yalın

Bütün qəhrəmanlar

bütün filosoflar

bütün şairlər

bütün insanlar

beynimə yığışıblar

süfrə salıblar özləri üçün

yeyib içirlər

istədikləri yeri bulayırlar

istədikləri işləri görürlər

təki mən yoxam

bir dəriyəm bir sümük

dərim saman təpib

hər nə edirlər

sümüklərimdə şinqilinqoz oynayırlar

bir an məni rahat buraxsalar

kəndimizin baş bağçasında

elə rahat dolanaram kı

heç yadıma da düşməzlər

nə onların it boğuşdurmağını görərəm

nə dünyanı atıb qatışdırmalarını

صاباح هاوا گیجه­له­جک

:: رامین جهانگیرزاده

…:ـ

بارماقلارینی سوروب

توتدو هاوایا…

سونرا

فیرلاندی…

فیرلاندی…

فیرلان…

فیرلا…

قیر…

فی…

فـ…

گیجلدی

ـ صاباح هاوا

گیجه­له­جک – دئدی

ها…! ها…! ها…!

***

…:-

قاییرما دیشلرینی چیخارتدی

کاساداکی سویون ایچینه آتدی

فیرلاتدی…

فیرلات…

فیرلا…

فیر…

فی…

فـ…

دیرچلدی…

- قاییرما دیشلریم

بوی آتیب دیرچه­له­جک ـ دئدی.

هو! هو! هو!

***

(یامانلاما منی

عزیز اوخوجو

لطفن…!

هئچ نه­یی توخومورام

ساریمامیشام سیزی ده

من ده ساریلمیشام

گؤره­سن قورتاراجاغاممی

بو دلی شاعیرلردن؟!!…)

***

ـ شاعیر منیم ده بیر شعریم وار

اووجومون ایچینده­دیر

باخ­خ­خ­…!

گل یاخیناااا!

 اوخویوم سنین اوچون

بیر نئچه میصراع

میصراع…

میصراع…

میصر…

میص…

می…

مـ…

هی! هی! هی!

قورخما…!

اووجومون ایچینده­کی

شعر دئییل شاعیر!

قاریشقادیر

آتا ـ آناسینی آختاریر

آغلاما منیم قارا قاریشقام!

گئدک باشقا یئره

بو شاعیر گیجه­لیب

اؤزونو تاپا بیلمیر هله…!

باديمجان 

:: سؤر آتان

  آي آمان آللاه يئنه بير جان گلير 

  جان جان ائدير الده باديمجان گلير

  قاچ قوتار اوغلان جانيني قاچ قوتار 

  يوخسا جانينا او باديمجان باتار 

  قالما دوشرسن يئنه قالماقالا 

  قالسا ايجينده او باديمجان بالا 

  سن ائله ظن ائتمه کي قالسان اَير 

  باشدان ائدرسن اونو سن بير تهر 

  يوخ قدئشئم يوخ سنه اولماز بئله 

  بئل بوخونون دوشسه گلرسن ديله 

  قاچ قوتار اوغلان بوراسي تهلوکه 

  قالما دوشرسن قاداسي پيس کؤکه

باخ بو سطيرلرده باديمجان گزر

شئلله­نه­نه شئلله­نه­نيب شئي دوزر

دوزمه اؤزوندن آ بالا بير سؤزو

يوخسا باديمجانلارين چيخار گؤزو

Badımcan

::Söz Atan

Ay aman allah yenə bir can gəlir

Can can edir əldə Badımcan gəlir

Qaç qutar oğlan canını qaç qutar

Yoxsa canına o Badımcan batar

Qalma düşərsən yenə qalmaqala

Qalsa ichində o Badımcan bala

Sən elə zənn etmə ki qalsan əyər

Başdan edərsən onu sən bir təhər

Yox qədeşem yox sənə olmaz belə

Bel buxunun düşsə gələrsən dilə

Qaç qutar oğlan burası təhlükə

Qalma düşərsən qadası pis kökə

Bax bu sətirlərdə Badımcan gəzər

Şellənənə şellənənib şey düzər

Düzmə özündən a bala bir sözü

Yoxsa Badımcanların çıxar gözü

بوراسی گونش کافه­سی!

:: آیاق یالین

های کوی سالمایین

کویلنمه­سین لاللار

گول – پیچ اویناماغا واختیمیز اولمادان

بورایا ییغیشمیشیق

اؤزوموزو ییغیشدیران اولمادی

سؤزوموزو ییغیشدیران هله آناسیندان اولماییب

قیزیل دیش قفه­چی،

آللاهین سسینی قاتیر بو های کویلره

کویلنمه­سین آللاه

فندکلر:

چاک!

چاک!

چاک!

چاک! ها چاک!

گوموشو میزلرین اوستونده

بارماقلاریمیز شاهیددیر

کول قابیلار حیاتیمیزی سایاقلاییر

دیوار ناحاق یئره آغزینی آچماییب اسنه­یرکن

ـ نارکامانلارین گیریشی یاساق!ـ دئمه­ییب کی!

دوزونو من لاپ قاریشدیرمیشام

رئال حیاتیملا سورئال حیاتیمی

ـ باغیشلایین فندیینیزی وئرین آلیشدیریم

بو قاتماقاریشیق یاشاییشیمی!

ـ بویورون! مومکون اولسا بیر گیله ده منه وئرین گیله­م!

دئمه­لی گولمه­یه­جک او کونجده ایلشن آغا!

ـ ها! ها! ها!

ـ سیرتیغین بیری سیرتیق!

ـ او کؤپک اوغلو کؤپک ده اؤزونو ساریییب!

مملکتین ایچینه آفتافا گؤتوروب!

ـ توالئته گئدیم بیر باش چکیم گلیم!

ـ تراختور هله قاباقدیر دآآش!

ـ آللاه صمد بهرنگی­یه رحمت ائله­سین!

ـ امامیه ده دونن بیر قیز اؤزونو یاندیردی!

ـ دوز دئییرسن؟!!

ـ اوچو مین تومن! آلان وارسا…!

ـ ائه بو آداملاردان باش آچا بیلمیرم!

ـ قولو آغزین تؤکولسون یئنه بیر قزئتی باغلادیلار!

ـ ساتقین!

ـ باغیشلا عزیز اوخوجو لاپ سنی اونوتموشدوم!

ایندی باشلاییم سنین اوچون بیر شعر یازماغا

بویور بودا او بیری شعرلره تای

تای با تای

بوراسی گونش کافه­سی

بوراسی رومانلا شعرین داوا دالاشی

بلکه ده آللاهسیزلارلا آللاهلیلارین باریشیغی

کمونیست قدئشلریمیز

بومبالاریلا پارتلاداجاقلار بورژوا سارایلارینی!

فرقینه دوشونورم بو تیلیفلی چایلارین…!

دئییرلر ارابه­لر بورادان کئچه­جک

هئچ بیر پروبلئم یوخ

هر نه دوزه­له­جک

ـ آغا چای ایچیرسیز؟!!

یوخ!

آمانین بیر گونودور

بیرده­نه ده ایچسم دونیانی پارتلادارام!

پالانیز قئییم دیر سه…

:: بابک زنوزی

بودا بیر دوستوموزون جاوابوندا

اوبیری سی یولداشلار گوذشت ائلللر.

پاه آتونان دانا قاریزماتیغین دا معناسین بولورموش سن؟

بس سن اوزون ائلیت سن ده ائله

عیبی یوخدور هر ائله ائله بیر ایت لازیم دیر

بورا سوز میدانی دیر

بورادا گئچیب آغناماخ لازیم دئگیل

توز سالما

آمما

سوز سال سان عیبی یوخدور

آنجاخ نه قه دَر آنقیرا بولورسن آنقیر

کیمسه نین سوزدئماغونا،

دئمه ماغونا،

نه جوردئماغونا

نییه دئماغونا

تکلیف تعیین ائله مه

نئجه کی اوبیری سی لر سیزه ائله میرلر

سیز او یئرده دئگیل سیز

آنجاخ اوز سوزونزی دئیین

یوکلری بیز بئلیمیزدن آشیردیخ

خوشوزگلیرسه

پالان قوشقونوز قئییم دیرسه

سیز یوکلرینیزی محکم ساخلایین

امما چالیشمایین کی اوبیری سینی یوک لویه سیز

هرکس ائلییه بولسه اوزی بولسون

>----------> قایناق

------------------------------------------------

آچیقلاما:

اوسته کی یازینی عزیز دوستوموز منیم یازدیغیم قاشیق و قاشیفچی­لار آدلی یازیمین جاوابیندا یازیب...! عزیز بابک دوستوموزا اوغورلار آرزیلایاراق اونون جاوابیندا آشاغیدا گتیردییم بو یازیم گؤرر…

سیچرادیم اؤزومه

    :: رامین جهانگیرزاده

  منه ایت آدی قویوب 

  هورمه­ییمی، 

  ائششک آدی قویوب 

  آنقیرماغیمی 

  خفتن قاپیب 

  سونجوق آتارکن  

  آنلاتدیلار 

  گؤیرتدیلر 

  سانجیلاتدیلار 

  قاپمادیم 

  سونجوق آتمادیم 

  گؤیرمه­دیم 

  قارنیما سانجی دولمادی 

  سیچرادیم اؤزومه 

  جیرماقلادیم اوزومو

----------------------------------

قایناق

فيقور

:: سؤز آتان

گؤزلویونون آرخاسینيدان

سوزه­ ـ سوزه نه باخيرسان،

اولمايا بير شئي ايتيريبسنمی منده؟!!

آتماجالاريندان بئزيب،

يورولوبسانمي آياق يالينليغيندان؟!!

اوهه…!

بير آز ياواش!

فيقور توتوب،

آدام اولماق سنه ياراشمير هئچ!

سوسورسانمي باغيرتيلاريني؟!!

هوي!

سنينله­يم آخي!

آخماق ـ آخماق نه باخيرسان؟!!

بير شئي سؤيلرسنمي!

يوخ دئيه­سن

بو سيقارئت الينه ايش وئره­جک

دومانلي رييه­لريندن کئچيب،

چؤکه­جکسن آغ جييارينا…

قورتار بو فيقور توتما اويونونو

باغريمي قان ائله­دين

دوراجاقسانمي آياغا؟!!

يا ائله بئله

داوام ائده­جکسنمي،

قالان-قولانيني؟!!

اوهوي کارسانمي…؟!!

کورسانمي…؟!!

قارا داش اولوبسانمي…؟!!

مني اؤزومدن چيخارتما!

چيخ او قارا گلميش شکيلدن…!

قانيمي قارالتما!،

يوخسا جيرارام بو قدر ساکيتليیيني

هوي…!

اوهوي…!

اوهوهوي…!

FİQUR

:: SÖZ ATAN

Gözlüyünün arxasından

Süzə-süzə nə baxırsan,

Olmaya bir şey itiribsənmi məndə?!!

Atmacalarından bezib,

Yorulubsanmı ayaq yalınlığından?!!

Ohə…!

Bir az yavaş!

Fiqur tutub

Adam olmaq sənə yaraşmır heç!

Susursanmı bağırtılarını?!!

Hoy!

Səninləyəm axı!

Axmaq-axmaq nə baxırsan?!!

Bir şey söylərsənmi!

Yox deyəsən

Bu siqaret əlinə iş verəcək

Dumanlı riyələrindən keçib

Çökəcəksən ağ ciyarına

Qurtar bu fiqur tutma oyununu

Bağrımı qan elədin

Duracaqsanmı ayağa?!!

Ya elə belə

Davam edəcəksənmi,

Qalan-qulanını…?!!

Ohoy karsanmı…?!!

Korsanmı…?!!

Qara daş olubsanmı…?!!

Məni özümdən çıxartma!

Çıx o qara gəlmiş şəkildən

Qanımı qaraltma

Yoxsa cıraram bu qədər sakitliyini

Hoy…!

Ohoy…!

Ohohoy…!

چوخ دا چتين دئييل

پوست مدرن اولماق

سؤز آتان

بیر آز لومپنلیییمیزی باشیمیزدان آتساق

بیر آز اؤزوموزو آتیب توتساق

چوخ دا چتين دئييل

پوست مدرن اولماق

ديليمیزی اییب

حرفلري اَيري ـ مويرو يازساق

سيندیراجاییق هر نه­يي

چاينيكلري

فينجانلاري

جانلاري

ساعاتلارداكي عقربه­لري

سیندیراجاییق بوتون قاليبلري

سينديراجاییق اتيميزي تؤكن سوموكلري

دیوار

رامین جهانگیرزاده

ايشيقلار سؤنور

کؤلگه­سي اولمور هئچ نه­يين

شهر سوسور،

کورامال آدديملارين ايزلرينده…!

قارا يازيلار قارانليغا بله­شير

شهرين اعتيراض سسي سوسور ديوارلاردا

دشلار رئژه گئدير دار کوچه­لرده

او يئنه ده،

بو گئجه

اينقيلاب سسي کسيلمه­سين دئیه

گيزليجه کؤلگه­سيز  بو شهرده

ديوارلارا قارا سسلر يازير

بيريسي گولومسيه­رک

- يازيق کؤهنه کومونيست

ائله بيلير کي هله يئنه ده

اينقيلاب داوام ائدير! - دئییر

اونو هئچ نه سارسيتمير

هامي اونو اله سالسا دا

الدن دوشمور

يورولماق بيلمير

هر گئجه ديوارلارا

اينقيلابين سسيني يازير

- توتون اونو!

باسين ماشينا

آپارين!

يئنه ديوارلارين جانينا دوشوب،

بو آللاهسيز!

ايشيقلار سؤنور

کؤلگه­سي اولمور هئچ نه­يين

اوتاق  سوسور

او يئنه ده

واخت تاپيب بوردان قاچماغينا دوشونور

يئنه ده اينانير ديوارلارداکي داشلار

آياغا قالخاجاقلار

DİVAR

Ramin Cahangirzadə

İşıqlar sönür

kölgəsi olmur heç nəyin

şəhər susur,

koramal addımların izlərində…!

Qara yazılar qaranlığa bələşir

Şəhərin etiraz səsi susur divarlarda

Dşlar rejə gedir dar küçələrdə

O yenə də,

Bu gecə

İnqilab səsi kəsilməsin deyə

Gizlicə kölgəsiz bu şəhərdə

divarlara qara səslər yazır

Birisi gülümsəyərək

- yazıq köhnə komonist

Elə bilir ki hələ yenə də

İnqilab davam edir

İnqilab çoxdandır

başa çatıb bu şəhərdə!

onu heç nə sarsıtmır

Hamı onu ələ salsa da

əldən düşmür

yorulmaq bilmir

hər gecə divarlara

İnqılabın səsini yazır

- Tutun onu!

Basın maşına

Aparın!

Yenə divarların canına düşüb,

Bu allahsız!

İşıqları sönür

kölgəsi olmur heç nəyin

otaq susur

o yenə də

vaxt tapıb burdan qaçmağına düşünür

yenə də İnanır divarlardakı daşlar

ayağa qalxacaqlar

سیچرادیم اؤزومه

  :: رامین جهانگیرزاده

  منه ایت آدی قویوب 

  هورمه­ییمی، 

  ائششک آدی قویوب 

  آنقیرماغیمی 

  خفتن قاپیب 

  سونجوق آتارکن  

  آنلاتدیلار 

  گؤیرتدیلر 

  سانجیلاتدیلار 

  قاپمادیم 

  سونجوق آتمادیم 

  گؤیرمه­دیم 

  قارنیما سانجی دولمادی 

  سیچرادیم اؤزومه 

  جیرماقلادیم اوزومو 

---------------------------------- 

قایناق 

چیلله­دیر آی چیلله­دیر!

:: رامین جهانگیرزاده

پاییز سونا چاتماقدا

چیلله­دیر آی چیلله­دیر!

بو گئجه ده جوجه یوخ

یئدیییمیز بلله­دیر

دوکانلارا قالانیب

قارا قارپیز، آغ قارپیز

تئللنسه ده گؤزومده

قولتوغوم قالیب یالقیز

پولوم چاتمیر آلماغا

کیلو 700 تومن

بیری چیخیز اون مینه

نه­یله آلیم اونو من

یاخشی­سی­دیر گؤزله­ییم

باشا چاتسین چیلله­میز

اوجوزلاشسین قارپیزلار

هئچ اولماسین گئجه­میز

گونش باتار آی چیخار

بو گئجه اوزون گئجه

هئچ اولماسا قیشیمیز

اولمادی هئچدن هئچه

Çillədir ay çillədir

:: Ramin cəhangirzadə

Payız sona çatmaqda

Çillədir ay çillədir!

Bu gecə də cücə yox

Yediyimiz bəllədir

Dükanlara qalanıb

Qara qarpız ağ qarpız

Tellənsə də gözümdə

Qoltuğum qalıb yalqız

Pulum çatmır almağa

Kilo 700 tümən

Cebimdə azdır para

Nəylə alım onu mən

Yaxşısıdır gözləyim

Başa çatsın çilləmiz

Ucuzlaşsın qarpızlar

Heç olmasın gecəmiz

Günəş batar ay çıxar

Bu gecə uzun gecə

Heç olmasa qışımız

Olmadı heçdən heçə

دویمورام سنی ایچمکدن

:: رامین جهانگیرزاده

پیققیلداییر اوچ سیبیل­سیز گنج

قاققیلداییر کئچی ساققال کیشی

قیپقیرمیزی قیزاریب قوجا

پوققولدادیر سیبیل بورما «ناصیرالدین» شاهی

فیریلداقچی فردوسی­نین اوجباتیندان

اؤلدوردو اوغلونو روستم

دیواردا اؤلمور

اؤلومسوز اولور شکیللرده اؤلنلر ده

آلین الیندن او درویشین بالتاسینی

اؤلدوره­جک او یازیق باشی داشلی روستمی

وای! حافیظ!

نه گؤزل سوزور شراب پیاله­سینه

او اینجه بئل قیز

بیر آزدان باشلارینین اوستوندن اوچاجاق

آغ میگلر

مرمی یاغاجاق دیوارلاردان

و سن؟!!...

نلبه­کی­یه سوزدویوم

چاییلارین ایچیندن

باش قالدیراجاقمیشسان

ساچلاریندان سوزوله جکمیش چایلار

چیلیمچیلپاق اولاجاقمیشسان

دوداقلاریمی دوداقلارینا یاپیشدیرسام

یانار دوداقلاریم

پیله­ییرم

بیر آز سویویورسان

ییرغالانیرسان نلبه­کی­ده

گؤزلرینه دوشمه­سین چای تیلیفلری

بیر ایستکان

ایکی ایستکان

اوچ ایستکان

دویمورام سنی ایچمکدن

Doymuram səni içməkdən

:: Ramin Cəhangiradə

Pıqqıldayır üç sibilsiz gənc

Qaqqıldayır keçi saqqal kişi

Qıpqırmızı qızarıb qoca

Poqquldadır sibil burma nasirəddin şahı

Fırıldaqçı ferdosinin ucbatından

Öldürdü oğlunu rüstəm

Divarda ölmür

Ölümsüz olur şəkillərdə ölənlər də

Alın əlindən o dərvişin baltasını

Öldürəcək o yazıq başı daşlı rüstəmi

vay! Hafiz!

Nə gözəl süzür şərab piyaləsinə

O incə bel qız

Bir adan başlarının üstündən uçacaq

Ağ miglər

Mərmi yağacaq divarlardan

Və sən?!!...

Nəlbəkiyə süzdüyüm

çayıların içindən

baş qaldıracaqmışsan

saçlarından süzüləcəkmiş çaylar

çılımçılpaq olacaqmışsan

dodaqlarımı dodaqlarına yapışdırsam

yanar dodaqlarım

piləyirəm

bir az soyuyursan

yırğalanırsan nəlbəkidə

gözlərinə düşməsin çay tilifləri

bir istəkan

İki istəkan

Üç istəkan

Doymuram səni içməkdən

  نارکامانلار بایاتی­سی 

:: ائلوار قولیوند 

  1 

  یاریم اوزه خال چکر 

  دوداغینا بال چکر 

  عیسی بیزه گلنده 

  هامی کیریستال چکر 

  2 

  پیکنیک باشی ناز اولار 

  ایچی دولو قاز اولار 

  لولوک قویسام داماغا 

  قیش دولانار یاز اولار 

NARKAMANLAR BAYATISI

:: ELVAR QULİVƏND

1

Yarım üzə xal çəkər

Dodağına bal çəkər

İsa bizə gələndə

Hamı kiristal çəkər

2

Piknik başı naz olar

İçi dolu qaz olar

Lülük qoysam damağa

Qış dolanar yaz olar

باغیشلا ای ایشیقدان بیر آز اویانلیق

:: رامین جهانگیرزاده

ائهئی گونش!

آجیغیم گلیر سندن!

بولودلارین آرخاسیندان چیخسان دا،

هئچ نه آیدین اولمادی!

بسدیر بو قدر ایشیغینلا دانس ائدیب

شوعالارینی یایدین.

سن ده ایکی اوزلو اولدون

ایچیرتدین یالانچی ایشیغینی

ایکی اوزلو ائلچی­لرینه

یئر سنه آلداندی

گؤی سنی دانماسا دا،

سنی اؤزونده یئرلشدیردییی اوچون اوتاندی

قورتار بو اویونو

بات باشی باتمیش گونش!

بات!

بیر داها چیخما!

ایتیل گؤزلریمدن

میلیون ایل قیزاریب بوزاران سارساق

سؤن!

قوی بوتون بو یئر کوره­سی دینجلسین

قوی بو پنجره­لر نفس چکسین

ایللر بویو بؤهتانلار آلتیندا قالان قارانلیقدان

ائهئی قارانلیق!

باغیشلا منی

باغیشلا میصراعلاریمدا سنه ساتاشدیغیم اوچون

باغیشلا منی ائی قارا گونه قالمیش باشی لولو قارانلیق

باغیشلا ای ایشیقدان بیر آز اویانلیق

آل منی باغرینا

دؤشلریندن اولدوزلارا سود وئردییین کیمی

منه ده سود وئر

باخما بوی بوخونوما

هله اوشاغام

هله ایمکله­ییرم

بیر آن آلسان قوجاغینا

بیر آن ییرغالاسان

نئچه ایللیک گونشدن ایچدیییم

یالانچی ایشیغی قوسارام

Bağışla ey işıqdan bir az oyanlıq

:: Ramin Cahangirzadə

Ehey günəş!

acığım gəlir səndən!

Buludların arxasından çıxsan da,

Heç nə aydın olmadı!

Bəsdir bu qədər işığınla dans edib

Şüalarını yaydın.

Sən də iki üzlü oldun

İçirtdin yalançı işığını

İki üzlü elçilərinə

Yer sənə aldandı

Göy səni danmasa da,

Səni özündə yerləşdirdiyi üçün utandı

Qurtar bu oyunu

Bat başı batmış günəş!

Bat!

Bir daha çıxma!

İtil gözlərimdən

Milyon il qızarıb bozaran sarsaq

Sön!

Qoy bütün bu yer kürəsi dincəlsin

Qoy bu Pəncərələr nəfəs çaksin

İllər boyu böhtanlar altında qalan qaranlıqdan

Ehey qaranlıq!

Bağışla məni

Bağışla misralarımda sənə sataşdığım üçün

Bağışla məni ey qara günə qalmış başı lolu qaranlıq

Bağışla ey işıqdan bir az oyanlıq

Al məni bağrına

Döşlərindən ulduzlara süd verdiyin kimi

Mənə də süd ver

Baxma boy buxunuma

Hələ uşağam

Hələ iməkləyirəm

Bir an alsan qucağına

Bir an yırğalasan

Neçə illik günəşdən içdiyim

yalançı işığı qusaram

اوتانيب قيزارماديم…!

:: آياق یالین

قنبر اؤزو چوخدان مودئرن اولوبدور

:: سؤز آتان

سن یئنه ده یازیرسان آی مش قولام

یول یولاغی آزیرسان آی مش قولام

شاعیر اولوب شعرینه دوز سپیرسن

قارا آتین ناللارینی اؤپورسن

اؤپ قاداسی اؤپ آتینی چاپگینان

هر نه ائدیرسن آ کیشی یاپگینان

گاه نالا ویر گاه میخا ویر ویر ها ویر

آخ اوخا دوش شعرینه سال قیر ها قیر

هوپ هوپ ائدیب تورموزو چک قال دالا

دالدالی گئت خالقی یئنه سال دالا

دالدالی گئتدین یئنه سن زایلادین

کؤهنه گونو تکرار ائدیب سایلادین

کیشمیش یئدین نوخود اولدون هر آشا

آش یئینلر سنه دئدی مین یاشا

تعریف معریف ائدنلره یانما سن

تویوقلارین فلسفه­سین دانما سن

باخ تعریفلی تویوقلارین گونونه

اوندان سونرا گوون قالین گؤنونه

هئچ اولماسا چیخداش ائله اؤزونو

قلبیر ائله کؤهنه مؤهنه سؤزونو

آت آتینی مین ماشینا سیبقت آل

آل یئنی ساز یاز یئنی نوت کؤکله چال

دوش آشاغی چیخما داها منبره

چوخ قیناما، بیر سؤز دئمه قنبره

قنبر اؤزو چوخدان مودئرن اولوبدور

واللاه بیللاه لاپ پوست مودئرن اولوبدور

سنکی فیرنگیستاندا یاشاییرسان

بس نییه سن دده­مه اوخشاییرسان

فیرلانیرسان اؤز باشینا آ مشدی

گیجه­لیرسن هئچ دئمیرسن نه ایشدی

کؤلگه نی بورج وئریب کؤلگه آلیرسان

کؤلگله­نیب کؤلگه­لرده قالیرسان

هئچ بیلمیرسن کؤلگه­ده هئچ نه بیتمز

بیتسه ده بؤیومز بیر یئره یئتمز

بیتسه سنی دانلامیرام مش قولام

بلکه بیتیر آنلامیرام مش قولام

آنلامیرام آنلامیرام دانمیرام

باخ بو روایتده سنی قانمیرام…!

Qənbər özü çoxdan modern olubdur

:: Söz Atan

Sən yenə də yazırsan ay məş qulam

Yol yolağı azırsan ay məş qulam

Şair olub şerinə duz səpirsən

Qara atın nallarını öpürsən

Öp qadası öp atını çapginan

Hər nə edirsən a kişi yapginan

Gah nala vır gah mıxa vır vır ha vır

Ax uxa düş şerinə sal qır ha qır

Hop hop edib tormuzu çək qal dala

Daldalı get xalqı yenə sal dala

Daldalı getdin yenə sən zayladın

Köhnə günü təkrar edib sayladın

Kişmiş yeyib noxud oldun hər aşa

Aş yeyənlər sənə dedi min yaşa

Tərif mərif edənlərə yanma sən

Toyuqların fəlsəfəsin danma sən

Bax tərifli toyuqların gününə

Ondan sonra güvən qalın gönünə

Heç olmasa çıxdaş elə özünü

Qəlbir elə köhnə möhnə sözünü

aAt atını min maşına sibqət al

Al yeni saz yaz yeni not köklə çal

Düş aşağı çıxma daha mənbərə

Çox qınama bir söz demə Qənbərə

Qənbər özü çoxdan modern olubdur

Vallah billah lap post modern olubdur

Sənki firəngistanda yaşayırsan

Bəs niyə sən dədəmə oxşayırsan

Fırlanırsan öz başına a məşdi

Gicələrsən heç demirsən nə işdi

Kölgəni borc verib kölgə alırsan

Kölgələnib kölgələrdə qalırsan

Heç bilmirsən kölgədə heç nə bitməz

Bitsə də böyüməz bir yerə yetməz

Bitsə səni danlamıram məş qulam

Bəlkə bitir anlamıram məş qulam

Anlamıram anlamıram danmıram

Bax bu rəvayətdə səni qanmıram…!

ائلوار قولیوند  

  1 

  سنی اوددوم 

  بوتون قوماربازلار 

  منه بیچاق چکدیلر 

  2  

  بونو منه بیر بالیق دئدی: 

  - رحیمه­نین سوی کؤکو 

  دولفینلره قاییدیر 

Elvar Qulivənd

1

Səni uddum

Bütün qumarbazlar

Mənə bıçaq çəkdilər

2

:Bunu mənə bir balıq dedi

- RƏHİMənin soy kökü

Dolfinlərə qayıdır

آدلاریما داخیل دوشدون

:: آیاق یالین

کلمه­لرینی احسان وئریب

سطیر ـ سطیر  ثاواب قازاندین

آنجاق شفا تاپمادین

باختین آچیلمادی

سطیرلرین دویون دوشدو پاراگرافلاردا

اؤزونو پروب ائدیب

یئنی­دن بیچیب

یئنی­دن تیکدین

یئنه ده همن آش اولدون

همن کاسا

سویو لیللندیریب

بالیق توتدون

بالیقلاری ساتماق ایسته­دین

آلان اولمادی

بازارین کاساد اولدوغونا گؤره

آدلاریما داخیل دوشدون

بیرینجی آدیمین حرفلرینه

یاشیل

ایکینجی آدیمین حرفلرینه

ساری

اوچونجو آدیمین حرفلرینه

قیرمیزی پارچا باغلادین

اؤزون ده باغلاندین

دویون دوشدون!

نه نذیرین وار ایدی

اسیرگمه­دین آدلاریمدان

باختین آچیلدی

حاجتینی آلدین

شفا تاپیب

مورادینا یئتیشدین

شفا تاپدینسا

آدلاریمین دیبیندن قالخ

ایکی قیچین وارسا

ایکی قیچ دا بورج آل

قاچ

یوخسا

آدلاریما داخیل دوشنلر

جیندیر میندیرلارینی

دیدیک - دیدیک ائدیب

تبرریک گؤتورنده

جانینی دیدیب کاردان سالارلار

دیدیلرسن

اتین دیرناقلاردا گئدر

Adlarıma daxıl düşdün

:: Ayaq Yalın

Kəlmələrini ehsan verib

Sətir-sətir  savab qazandın

Ancaq şəfa tapmadın

Baxtın açılmadı

Sətirlərin düyün düşdü Paragraph

Özünü prob edib

Yenidən biçib

Yenidən tikdin

Yenə də həmən aş oldun

Həmən kasa

Suyu lilləndirib

Balıq tutdun

Balıqları satmaq istədin

Alan olmadı

Bazarın kasad olduğuna görə

Adlarıma daxıl düşdün

Birinci adımın hərflərinə

yaşıl

İkinci adımın hərflərinə

Sarı

Üçüncü adımın hərflərinə

Qırmızı parça bağladın

Özün də bağlandın

Düyün düşdün!

Nə nəzirin var idı

Əsirgəmədin adlarımdan

Baxtın açıldı

Hacətini aldın

Şəfa tapıb

Muradına yetişdin

Şəfa tapdınsa

Adlarımın dibindən qalx

İki qıçın varsa

İki qıç da borc al

Qaç

yoxsa

Adlarıma daxıl düşənlər

Cındır mındırlarını

Didik – didik edib

Təbərrik götürəndə

Canını didib kardan salarlar

Didilərsən

Ətin dırnaqlarda gedər

منی واراق ـ واراق ائدیر

:: وحید آقامحمدی خیاوی

سینیق بیر دیرک اولموشام

وئرانا اورتاسیندا

قارانلیق کؤلگه­سینده

یاندیریلمیش ماشین لاستیکلرینین توستوسو

پارتلامیش نؤهره دیوارلار

اونون اوستونده­کی نیسگیل یازیلار؛

ـ «از زندگانی­ام گله دارد جوانی­ام»

دیواری پارتلادیب بو سؤزلر

دیوار پارتلاییب

یاشاییش بیر طرفده

جاوانلیق بیر طرفده

گیلئی­لر اییله­نمیش اینام کیمی

قویلانیب قوی وورموش قولاقلاردا

سیقارئتین بوش قوطولاری

بوش اکسپئکتورانت قابلاری

ایشده­نیلمیش سورنگلر

ترامادولدان قالمیش بوش واراقلار

منی واراق ـ واراق ائدیر

بوشلوقلاری

بوش طبیل کیمین

بوش باشینا چالیر

آشماق

یانماق

دانماق

ایسته­ییرم

دونیادان دویموش بیر لش اوستونه

قوللارینی باغلاسا دا

دامارلاری دالدالانیب

گؤرونمور گؤم ـ گؤی دامارلاری

خومارلیق کؤلگه سالیر بوتون وارلیغینا

 اؤزونو ـ اؤزوندن دانیر

دور…!

دور…!

دورماسان دا

کندیری قیر

خومار باخیشلارین اوره­ییمی دالاییر

بونلار یاتماییبلار اویویوبلار

دورون اوچوردون!

نیفرتی باندیرین منده!

یاندیرین…!                      

بلکه اؤزگور یولونا ایشیق ساچدیم

چوخ دا يئکه دئييلم

::  آیاق یالین

يئکه - يئکه جيرماغيما باخمايين

چوخ دا يئکه دئييلم

بويوم 165 Cm

چکيمیم 60 Kg

بير آز ديقتلي اولساز

بو بويدا، بو چکيمده آدامين

هئچ بير کيمين يئريني

دار ائتمه­مه­ييني آنلايارسيز

واختسيز بانلايان يازيق خوروزلارين دا

يئريني دار ائديب واختسيز بانلامازسيز

آديم  «گونش تانريسي نين اوغلو» آنلاميني داشيسا دا

گؤزلرينيزي قييا - قييا

باخمايين آديما

گونش تانريسي­نين اوغلو دئييلم

ساده­جه،

آنامين ايضطيرابلاريندان

بوي آتيب، بويلانان

گونشدن چؤره­يي چيخان

بير اکينچي­نين بالاسييام

آياق يالين بير اوشاغام

بؤيويوب

بؤيويوب

يئکه­ليب، بو گونه دوشموشم

ايشيم - پئشم

اونا - بونا ساتاشماق

اونونلا - بونونلا آتيليشماقدير

ايلان ايلينده دونيايا آياق باسديغيم اوچون

ديليمدن زهر تؤکولور

زهريمين خاصيتي

يالنيز چوروک جانلارا

قاشينما سالماقدير

هردن پاوارئت چکيب

اؤزومدن چيخسام دا

چؤخ اوزاغا گئدن دئييلم

تئز قاييديرام اؤزومه

آنجاق اؤز آراميزدير

هردن سيزين ده قارنيزا سانجي دولاندا

قارنيما سانجي دولدورماق ايسته­ييرسيز

دولدورون

دولدورون

هر نه ائديرسيز، ائدين

آمانين گونودور

کؤهنه ته­ير کيمي دؤر گؤتوروب

اؤزونوزدن چيخاندا

چوخ اوزاغا گئتمه­يين

بير کاسا سو ايچين

تئز قاييدين اؤزونوزه

آللاه ائله­مه­سين

ديليم لال اولسون

يوخسا ايترسيز

بير عؤمورلوک اؤزونوزو تاپماغا

حسرت يئيرسيز

Çox da yekə deyiləm

Ayaq Yalın

Yekə - yekə cırmağıma baxmayın

Çox da yekə deyiləm

Boyum 165 Cm

Çəkimim 60 Kg

Bir az diqqətli olsaz

Bu boyda, bu çəkimdə adamın

Heç bir kimin yerini

Dar etməməyini anlayarsız

Vaxtsız banlayan yazıq xoruzların da

Yerini dar edib vaxtsız banlamazsız

Adım "günəş tanrısının oğlu" anlamını daşısa da

Gözlərinizi qıya - qıya

Baxmayın adıma

Günəş tanrısının oğlu deyiləm

Sadəcə,

Anamın iztırablarından

Boy atıb, boylanan

Günəşdən çörəyi çıxan

Bir əkinçinin balasıyam

Ayaq yalın bir uşağam

Böyüyüb

Böyüyüb

Yekəlib, bu günə düşmüşəm

İşim – peşəm

Ona – buna sataşmaq

Onunla – bununla atılışmaqdır

İlan ilində dünyaya ayaq basdığım üçün

Dilimdən zəhər tökülür

Zəhərimin xasiyyəti

Yalnız çürük canlara

Qaşınma salmaqdır

Hərdən pavaret çəkib

Özümdən çıxsam da

Çöx uzağa gedən deyiləm

Tez qayıdıram özümə

Ancaq öz aramızdır

Hərdən sizin də qarnıza sancı dolanda

Qarnıma sancı doldurmaq istəyirsiz

Doldurun

Doldurun

Hər nə edirsiz, edin

Amanın günüdür

Köhnə təyər kimi dör götürüb

Özünüzdən çıxanda

Çox uzağa getməyin

Bir kasa su için

Tez qayıdın özünüzə

Allah eləməsin

Dilim lal olsun

Yoxsa itərsiz

Bir ömürlük özünüzü tapmağa

Həsrət yeyərsiz

  گؤزله قاداسی! گؤزله!

:: سؤز آتان 

  منی آوانقارد آدلاندیرانا 

  شاشماغی­نین شببینی 

  دیلینین پلتک­لیییندن بیلرسن 

  شببین، سبب اولدوغونو دا آنلایارسان 

  گؤزله خزعبلاتیمی اوخویاندا 

  گؤزلرینه چؤپ دوشمه­سین 

  گؤزله قاداسی! گؤزله! 

  ققه­نی­لرین قوندارما میصراعلاریندا 

  قاققالارینی آختاراندا 

  گؤزله قاداسی! گؤزله! 

  قاققالار قارنینی قاریشدیرماسین 

  ایشه دوشرسن 

  اؤزونو ایشدن سالارسان 

  بو قدر شاشینجاق 

  باشینی سال آشاغی 

  آدام بالاسی کیمی 

  توته­یینی چال! 

  چال قاداسی! چال! 

  گاه میخا چال 

  گاه نالا 

  گؤزله بارماقلارینا چالمایاسان 

  مایانی ازرسن 

  گؤینه­یرسن 

  گؤینرتی­لریندن قاسناقلانیب 

  قیسیرلانارسان 

  قاسیرغالاریما دوشوب 

  قیسیلارسان قیسیرلیغینا 

  گؤزله قاداسی! گؤزله! 

Gözlə qadası! Gözlə!

:: Söz Atan

Məni avanqard adlandırana

Şaşmağının şəbəbini

Dilinin pəltəkliyindən bilərsən

Şəbəbin, səbəb olduğunu da anlayarsan

Gözlə xozəbəlatımı oxuyanda

Gözlərinə çöp düşməsin

Gözlə qadası! Gözlə!

Qəqənilərin qondarma misralarında

Qaqqalarını axtaranda

Gözlə qadası! Gözlə!

Qaqqalar qarnını qarışdırmasın

İşə düşərsən

Özünü işdən salarsan

Bu qədər şaşıncaq

Başını sal aşağı

Adam balası kimi

Tütəyini çal!

Çal qadası! çal!

Gah mıxa çal

Gah nala

Gözlə barmaqlarına çalmayasan

Mayanı əzərsən

Göynəyərsən

Göynərtilərindən qasnaqlanıb

Qısırlanarsan

Qasırğalarıma düşüb

Qısılarsan qısırlığına

Gözlə qadası! Gözlə!

قارپیزلانما

:: سؤز آتان

بیر بیرینین قولتوغونا قارپیز وئرن

دوستلاریما سونولور…

1

پیچاق چک!

جیر ها جیر دوشه­جک…!

باخ!

قارا قارپیزلارین دا اوره­ییندن

قان سوزوله­جک…!

2

قولتوقلاریندا قارپیز گزدیرنلر

دونیانی قارپیزلا

آلماق ایسته­ییرلر

3

قارپیزلاری یئیندن سونرا

توملارینی یئمه­یین

یازیقسیز…!

قارپیزلارا باغلانارسیز!

4

تاغلارینیز چورویوب

داها قارپیزلاریزین

اورلانماغی­نین واختی چاتیب

5

قارپیزین  نمنمنه­سینی کسین!

دؤرد یئره بؤلون!

سونرا اوووجلاریزین ایچینده قاریشدیرین

آتین یئره!

باختیز آچیلاجاق،

تک دوشسه!

6

قارپیزلانماغیزی

دیلیمله­ییب یئدیم

کئچل اولماقدان قورخوب

قابیغینی یئمکدن چکیندیم

7

قارپیز ساتیرسیز…

قارپیز آلیرسیز…

هئچ بیلیرسیزمی

آلیب ساتدیغینیز قارپیزلار

اؤز ایچلرینی ده یئییرلر…؟!!

Qarpızlanma

:: Söz Atan

Biri birinin qoltuğuna qarpız verən

Dostlarıma sonulur…

1

Pıçaq çək!

Cır ha cır düşəcək…!

Bax!

Qara qarpızların da ürəyindən

Qan süzüləcək…!

2

Qoltuqlarında qarpız gəzdirənlər

Dünyanı qarpızla

Almaq istəyirlər

3

Qarpızları yeyəndən sonra

Tumlarını yeməyin

Yazıqsız…!

Qarpızlara bağlanarsız!

4

Tağlarınız çürüyüb

Daha qarpızlarızın

Urlanmağının vaxtı çatıb

5

Qarpızın nəmnəmənəsini kəsin!

Dörd yerə bölün!

Sonra ovuclarızın içində qarışdırın

Atın yerə!

Baxtız açılacaq!

Tək düşsə!

6

Qarpızlanmağızı

Dilimləyib yedim

Keçəl olmaqdan qorxub

Qabığını yeməkdən çəkindim

7

Qarpız satırsız…

Qarpız alırsız…

Heç bilirsizmi

alıb satdığınız qarpızlar

öz içlərini yeyirlər…?!!

دئکوراسییونوم

دیدی بیر بیرینه…! 

  :: رامین جهانگیرزاده 

  بیردن هر نه دییشدی اوتاغیمدا؛ 

  دیوار منی دانلادی: 

  - سن منی زارا گتیردین 

  زیرهازیرلارینا قولاق آسماقدان بئزدیم 

  ائله سایاقلادین کی 

  من ده آغلادیم 

  گجلریم تؤکولدو 

  بیشمیش کرپیچلرین گولمه­یی گلدی 

  گل هئی! 

  آییبدیر…!  

  اؤرت  اوستومو! 

  بئتونلاریم گؤزه چارپیر. 

  اوتاغینا شهوت یاغار جانیمدان. 

  پنجره میرمیسیغین ساللادی: 

  - داها آچمایاجام اؤزومو  

  سنین اوجوباتیندان. 

  بولودلارا یول وئرمه­یه­جم. 

  گئجه­نی باشیما چکیب کئفله­نه­جم 

  هاوانی دییشمک ایسته­سن  

  بالکونا چیخا بیلرسن…! 

  کیتابلار ژئست توتماغا باشلادیلار: 

  - منی آچما! 

  قالینقور قابیغیمی سویسان دا  

  اناالحق دئین دئییلم 

  منی اوخوما! 

  اوخلارین داشا ده­یه­جک 

  منی یازما! 

  سنی ثیبوت ائدن دئییلم 

  بارماقلارینی چک کلمه­لریمدن 

  گؤرمورسن رئژه گئدیرم؟!! 

  قاپی یئتیم ساغیر بؤجکلره بویورن دئییب سؤیله­دی: 

  - داراشین اؤتاغا! 

  یئیین هر نه­یی! 

  قارنیزا شیش باتسین دئین اولمایاجاق 

  یئیین یاریمچیلیق حیاتی! 

  یئیین ماهنیلاری! 

  اوخویون آغزینیزا گله­نی! 

  دیلینیز چوروسون دئین اولمایاجاق…! 

  مطبخده­کی پیچاق هده ـ قورخو گلدی: 

  قارنینی سؤکه­جم سوکوتون 

  قانینی تؤکه­جم دامجیلارین 

  دوداغیمدان سوزوله­جک نکوارسیز تنهالیق 

  سویودوجو سویوتمادی هئچ نه­یی: 

  - فئر اولاجام 

  بیشیرجم هر نه­یینی 

  پؤرتلیه­جک پئنگوئنلرین 

  بوزون اولمایاجام 

  سویوتمایاجام هئچ نه­یینی 

  اریده­جم نه­یینی، نه­یینی و نه­یینی...! 

  کیبریت آه چکمه­دی، آلیشمادی: 

  - داها قارانلیغینی اودلامایاجام 

  اؤزومو اودا سالمایاجام 

  قارالیب کول اولمایاجام 

  ایسلانیب گوگورتومو اییله­یه­جم… 

  زیبیل­قابی آغزیندان گله­نی دئدی: 

  - بو ندی؟!! 

  او ندی؟!! 

  داها بسدی 

  قوسماغیم گلیر… 

  قارنیم پارتلادی  

  آی باشی باتمیشین بیری باشی باتمیش! 

  لامپا ایشیغینی اسیرگه­دی… 

  قاشیقلار قازانین دیبینی آختاردیلار… 

  ایستکانلار دولوب بوشالمادیلار… 

  بیلگی­سایار سایاقلادی… 

  کؤینکلریمین باغری دارالدی… 

  یاتاغیم یاتماغا قویمادی… 

  دئکوراسییونوم دیدی بیر بیرینه…! 

Dekorasiyonum dəydi bir birinə…!

:: Ramin Cəhangirzadə

Birdən hər nə dəyişdi otağımda;

Divar məni danladı:

- sən məni zara gətirdin

Zırhazırlarına qulaq asmaqdan bezdim

Elə sayaqladın ki

Mən də ağladım

Gəclərim töküldü

Bişmiş kərpiçlərin gülməyi gəldi

Gəl hey!

Ayıbdır…!

Ört  üstümü!

betonlarım gözə çarpır.

Otağına şəhvət yağar canımdan.

Pəncərə mır mısığın salladı:

- daha açmayacam özümü

Sənin ucubatından.

Buludlara yol verməyəcəm.

Gecəni başıma çəkib keflənəcəm

Havanı dəyişmək istəsən

Balkona çıxa bilərsən…!

Kitablar jest tutmağa başladılar:

- Məni açma!

Qalinqor qabığımı soysan da

ənəlhəqq deyən deyiləm

məni oxuma!

Oxların daşa dəyəcək

Məni yazma

Səni sibut edən deyiləm

Barmaqlarını çək kəlmələrimdən

Görmürsən rejə gedirəm?!!

Qapı yetim sağır böcəklərə buyurn deyib söylədi:

- daraşın ötağa

Yeyin hər nəyi

Qarnıza şiş batsın deyən olmayacaq

Yeyin yarımçılıq həyatı

Yeyin mahnıları

Oxuyun ağzınıza gələni

Diliniz çürüsün deyən olmayacaq…!

Mətbəxdəki pıçaq hədə qorxu gəldi mənə:

Qarnını sökəcəm sükutun

Qanını tökəcəm damcılarin

Dodağımdan süzüləcək nəkvarsız tnhalıq

Soyuducu soyutmadı heç nəyi:

- fer olacam

Bişirəcəm hər nəyini

Pörtləyəcək penguenlərin

Buzun olmayacam

Soyutmayacam heç nəyini

əridəcəm nəyini, nəyini və nəyini

Kibrit ah çəkmədi, alışmadı:

- daha qaranlığını odlamayacam

Özümü oda salmayacam

Qaralıb kül olmayacam

İslanib gügürtümü iyləyəcəm…

Zibilqabı ağzından gələni dedi:

- bu nədi?!!

O nədi?!!

Daha bəsdi

Qusmağım gəlir…

Qarnım partladı

Ay başı batmışın biri başı batmış!

Lampa işığını əsirgədi…

Qaşıqlar qazanın dibini axtardılar…

İstəkanlar dolub boşalmadılar…

Bilgisayar sayaqladı…

Köynəklərimin bağrı daraldı…

Yatağım yatmağa qoymadı…

Dekorasiyonum dəydi bir birinə…!

قادینلیغیمین کور بوجاغی