| تبليغات | X |
سایاق نیوز: آیاق یالین
اوستو آچیق کندین کاتتاسی باراتلا البرادعی قالاغ دیبینده گیزلی صورتده گؤروش آپاردیلار. بو گؤروشده کاتتا بارات البرادعینین قاباغیندا یئکه بیر جؤنگه کسیب اونو قارشیلادی و اوستو آچیق کندین مدنیتیندن دانیشدی:
ـ بورادا مدنیت سئل کیمی آخماقدادیر! بیز دموکراسینی قالاغ دیبینده قوراراکن، بوتون کندلره یایمیشیق. ایندی قازان دیبی آختارانلار چوخ اولور. هئچ بیر پروبلئم یوخدور. هر نه اؤز قایداسیندادیر. بیز اؤز قالاغلاریمیزین گوجونه و اوندا اولان فلسفهیه اینانیریق. ندنسه بو بوش کؤپک اوغلو بیزیم بو قالاغلاریمیزا قیسقانیر. اونا گؤره قوش مجید قالاغ باشینا قونوب، اوزرلیکلری اورادا یئرلشدیریب کی بو کؤپک اوغلو بوشون گؤزو بیزیم قالاغلاریمیزا دهیمهسین.
بو دانیشیقدان سونرا البرادعی جنابلاری بیر نئچه مسأله بارهسینده کاتتا باراتدان ایضاحات ایستهیرکن، سوروشدو:
ـ سیز نه اوچون داغ ـ داشلاردا گیزلی صورتده یئر آلتی ایشلری آپاریرسینیز؟!
کاتتا بارات سیرتیلا ـ سیرتیلا البرادعی جنابلارینین جاوابیندا بئله سؤیلهدی:
ـ بیز داغ ـ داشلاردا سادهجه یئر آلتی شهرجیکلرتیکینتیلری آپاریریق. بو هامییا معلومدور. اینانماساز گئدین کویچو ایبیشدن سوروشون! هله هاراسیدیر بیز قراردیر باشقا کندلرده گؤزل مئترولار سالاق. بیزیم مئتروپللاریمیز اولماسادا قوی هئچ اولماسا مئترولاریمیز اولسون!
Barat və Əlbəradei
Sayaq News: Ayaq Yalın
Üstü açıq kəndin kattası baratla Əlbəradei qalağ dibində gizli surətdə, görüş apardılar. Bu görüşdə, katta barat Əlbəradeinin qabağında yekə bir cöngə kəsib, onu qarşıladı və üstü açıq kəndin mədəniyyətindən danışdı:
-burada mədəniyyət sel kimi axmaqdadır! Biz demokrasini qalağ dibində qurarkən, bütün kəndlərə, yaymışıq. Indi qazan dibi axtaranlar cox olur. Heç bir problem yoxdur. Hər nə öz qaydasındadır. Biz öz qalağlarımızın gücünə və onda olan fəlsəfəyə inanırıq. Nədənsə bu Buş köpək oğlu bizim bu qalağlarımıza qısqanır! Ona görə Quş Məcid qalağ başına qonub üzərlikləri orada yerləşdirib ki bu köpək oğlu Buşun gözü bizim qalağlarımıza dəyməsin.
Bu danışıqdan sonra əlbəradei cənabları, bir neçə məsələ barəsində, katta baratdan izahat istəyərkən, soruşdu:
- siz nə üçün dağ-daşlarda gizli surətdə yer altı işləri aparırsınız?!…
Katta barat sırtıla-sırtıla Əlbəradei cənablarının cavabında belə söylədi:
- biz dağ-daşlarda sadəcə yer altı Şəhərciklər tikintiləri aparırıq. Bu hamıya məlumdur. Inanmasaz gedin küyçü İbişdən soruşun. Hələ harasıdır biz qərardır, başqa kəndlərdə gözəl Metrolar salaq. Bizim Metropollarımız olmasa da qoy heç olmasa metrolarımız olsun!
WC
Duman Ərdəm
(…)
Görəsən kitabım çıxacaqmı?!…
Yaxşı bir iş tapacayammı?!…
Məryəm axşam zəng vuracaqmı?!…
Yuniversitədən cıxacağammi?!…
Borclarımı ödəcəyəmmi?!…
Qaralır gözlərimin önündə:
-lütfən işinizi bitirdikdən sonra,
Bir aftafa su tökün!
Ayaq Yalın
(…)
Tüvaletdeydim
Sənə düşünürdüm
Dım…
Dım…
Dım…
Dik atıldım!
Ürəkdən birini çıxartdım
Bağışla canım!
Bu özümlük deyildi!
دومان اردم
(…)
گؤرهسن! کیتابیم چیخاجاقمی؟!…
یاخشی بیر ایش تاپاجایاممی؟!…
مریم آخشام زنگ ووراجاقمی؟!…
یونیوئرسیتهدن چیخاجاغاممی؟!…
بورجلاریمی اؤدهجهیممی؟!…
قارالیر گؤزلریمین اؤنونده:
ـ لوطفن ایشینیزی بیتیردیکدن سونرا،
بیر آفتافا سو تؤکون!
آیاق یالین
(…)
توالئتدئیدیم
سنه دوشونوردوم
دیم…
دیم…
دیم…
دیک آتیلدیم!
اورکدن بیرینی چیخارتدیم
باغیشلا جانیم!
بو اؤزوملوک دئییلدی!
Maykolar
Maykoşünas: Ayaq yalın
1
Budaqda qarğalar
Göldə qurbağalar
Qarrr… qurrr…
Qarrr… qurrr…
2
Günəş bulud arxasında gizlənir
Bir adam günəşə şübhələnir
3
Pıçaq çəkir
Qarpızı qoyuram ortaya
Dilim-dilim yeyirik
4
Bir addım qabağa
Iki addım geriyə
Bir addım dalı düşürük
5
Sıçan
Pişik
Mətbəxin divarı dəlik-deşik
6
Yeralma qızarır
Soğan soyuram
Ağlayıram
7
Güzgü
İt
İt güzgüyə baxır, hürür
8
Qoca at
Köhnə araba
Arabaçı yorğun əyləşibdir
9
Qapı döyülür
Pəncərəni açır, bğlayır
Qonaq qapıda qalır
10
Su axır
Çuxura hələ çatmamış
Quruyur
[(o)(o)]
مایکولار
1
بوداقدا قارغالار
گؤلده قورباغالار
قاررر… قوررر…
قاررر… قوررر…
2
گونش بولود آرخاسیندا گیزلهنیر
بیر آدام گونشه شوبههلنیر
3
پیچاق چکیر
قارپیزی قویورام اورتایا
دیلیم ـ دیلیم یئییریک
4
بیر آددیم قاباغا
بیر آددیم گئرییه
بیر آددیم دالی دوشوروک
5
سیچان
پیشیک
مطبخین دیواری دلیک ـ دئشیک
6
یئرآلما قیزاریر
سوغان سویورام
آغلاییرام
7
گوزگو
ایت
ایت گوزگویه باخیر، هورور
8
قوجا آت
کؤهنه آرابا
آراباچی یورغون ایلهشیبدیر
9
قاپی دؤیولور
پنجره آچیلیب، باغلانیر
قوناق قاپیدا قالیر
10
سو آخیر
چوخورا هله چاتمامیش
قوروریور
سؤز پیراتیک یوللا قازانیلمیش پهپهدن گئدیر!
v پهپهداش سؤز آتان
آخساساقدا یاواش ـ یاواش یئریمهیه گوجوموز وار. گیجگاهیمیزدان ویرسالاردا، گیجهله ـ گیجهله پهپهمیزی داشدان چیخاردیریق. پهپهمیز داشدان چیخماغینی، هامی بیلمهسه ده او بیلیر. گلین پاپاغیمیزی دوز قویوب دومبهلن دوز دانیشاق. من پاپا دئییب پهپهیئینلره یوخ!، بلکه داشدان پهپه چیخاردان، پهپهداشلارا اینانیرام. پهپهلری کسیلن پاپا دئینلر، بیزیمله پهپهداش اولدوقلارینا اینانماق چیتیندیر. او قدر بیزی بو پهپه یئیهن پاپا دئینلر سارسیدیب کی، هئچ اونلارلا پهپهداش اولماق آغلیمیزا دا سیغماز. یاخشیسی اودور کی پالاز ـ پولازلارینی ییغیشدیریب، گئتسینلر پئزهونگی پاپالارینین یانینا. ایندی اونلارین پاپالارینین پهپهلی پرسپکتیولری وار! سؤز پراتیک یوللا قازانیلمیش پهپهدن گئدیر. ایندی بیزیم پوئزیامیزین پیتیک پهپهلری، داشلارین پیریلتیسیندان چیخیر. یاشاسین پهپهداشلاریمیز!…
بیز جهنمه گئدیریک، گئدن وارسا گلسین!
آیاق یالین
قاباغیمیزی کسیب، قابلامالاریمیزی آلدیلار، آج قالدیق. اونون ـ بونون قابلاماسیندان اوغورلاییب، تیخدیق. قابلامایا دا تپیک چالیب، تولازلادیق گؤیه. گؤیدن باشیمیزا توخماق ویردیلار، آتدیلار بیزی جهنمه. هر یئره اود یاغیردی. بیری اودلانیردی، بیری ـ آی دده یاندیم!ـ دئییب، باغیریردی. آمما بیزیم هئچ وئجیمیزه ده دئییلدی! آخی او قارا گلمیش دونیا دا او قدر یانمیشدیق کی، بو جهنمین اودو دا بیزه تأثیر ائلهمیردی. شاختادان قاچمیش آداملارا بنزهییردیک. کیمسهلر بیزه ـ هارا گئدیرسیز آی بئچارالار؟!ـ دئییردی. بیز ده اونلارین جاوابلاریندا ـ بیز جهنمه گئدیریک قیزیشماغا گئدن وارسا گلسین! ـ دئییردیک.
ایشیز چوخ گؤزل دیر.
بیر دونیا سئویندیم. گؤزلریمیز سؤزلریزی گؤزلویور!
ایندی سؤزوموز هاردا قالدی؟ بویور دئ گؤرک!
«ناصر منظوری»
(كاريكلماتورلاربؤلوموـ نظرات وبلاگ)
حؤرمتلی «ناصر منظوری» جنابلاری!
بعضن سؤزموز اورهييميزده تپيک دؤيوش اوينايير. بو اويوندا سؤزلرين باشي ياريلير، قاشي چاپيلير، گؤزو چيخير. قورخورام بو سؤزلر او قدر تپيک دؤيوش اوينايالار کي اورهييميز يئريندن قوپوب دوشه. بعضن سؤزوموز بارماغيميزين اوجوندا خورولدايير. کيمسه اونو يوخودان اوياتسا آللاه بيلير نه اولاجاق. بعضن سؤزوموز گديکلرده قالير. بعضن داغلارا دهييب قاييدير. بعضن سؤزوموز سومسونه ـ سومسونه هر يئره باش چکير. بعضن سؤزوموزون باشي بدنينه آغيرليق ائدير. ايندي هر حالدا سؤزوموز سيرتيق اولسا دا اؤز بؤيوکلويونوزه گؤره باغيشلايين. بورا دونبا گؤز سؤزلرين مسکني دير. بورا آياق يالين سؤزلرين جيغير بير يولودور. بورا کئفسيز سؤزلرين باريدير. کئفسيز سؤزلر بورادا بير آن کئفلهنيب کئفه باخيرلار.
حؤرمتله: آياق يالين
آیاق یالیندان سؤز آتانا جیزما پارالار!
دیلینی دینج قویمایان، هر قازاندا قاینایان سئویملی دوستوم سؤز آتان!
سنه باش وورماماغیمین سببی چوخدور. ایندی من درین بیر قویودایام. نه قدر چیغیریرام هئچ کیم چیغیرتیمی ائشیتمیر. بیر آز ماز بوغازیم توتولوب، داها چیغیرا بیلمیرم. بورادا هر نه یئرینده دیر هئچ اولماسا قورباغالارین سسی منه تسکین وئریر. بو درین قویودا یالقیزجاسینا یاشاییردیم کی بیردن بیره تاریخین لاپ اوزاق چاغیندان کیمسه باشیما دوشدو. بیر نئچه ساعات هوشدان گئدندن سونرا آییلدیم گؤردوم ماممیل ماتان بیر اوغلان گولومسهیرک اللرینی آلنیما قویوبدور. اونونلا خوش بئش ائدندن سونرا بیلدیم کی بو جناب همن زلیخانین دیدرگین یوسفیدیر. یوسف جنابلاریلا کئچمیش خاطیرهلریمیزدن دانیشدیق. او زلیخادان دانیشدی من ده ساری گولدن. ائله شیرین دانیشیردیق کی کیمسه باشیمیزا بیر داش زوللادی و کیمسهلر او داشی قویودان چیخارتماق ایستهدیلر آمما چیخاردا بیلمهدیلر. او بویدا داش باشیمیزا دهیسه ده بیلمیرم باشیمیز نییه یاریلمادی. من یوسیفه باخدیم او منه. بیردن بیره ایکیمیز ده چیغیردیق و داشی قویودان چیخاردانلاری چاغیردیق آمما اونلار سسیمیزی ائشیتمهییب، یوللارین توتوب گئتدیلر. ساکیتجه اوتورموشدوق. بورادا نه گئجه ایدی نه ده گوندوز. بورادا زامان چاش باش ووروردو. گاه دالی قاییدیردی گاه قاباغا. من درین بیر یوخویا گئتدیم… یوخومدا گؤردوم کی «سئوگیلیم داغ باشیندا اینک ساغیر. اینک منه باخیر آمما او منه باخمیر.»# یوخومو یوسیف جنابلارینا تعریف ائتدیم. یوسف جنابلاری بیر آز درینه گئدرکن تعجوبله بئله دئدی ـ سئوگیلین سنی سئومیرسه اینک نییه سنه باخیردی؟! بو یوخونون تعبیرینده یوسیف جنابلاری دا قالمیشدی. هر حالدا بو بیر احوالات ایدی. ایندی او بیری احوالاتی سؤیلهییم. قویویا دوشمهمیشدن قاباق مشه مجنونو صحرادا گؤردوم اونون الینده بیر لپ تاپ وارییدی. یاخینلاشدیم اونا او منی ائله بیل گؤرموردو. مشه مجنون اینترنت دونیاسیندا ایدی. لیلینین گؤزوندن ایراق، او بوتون دونیانین قیزلاری ایله چت ائلهییردی. آلتی آیلیق اولما هله مکتوبومون آردی سی وار....
امضاء: آیاق یالین
# دیوار یازیلاری، ظاهیر عظمت
كاريكلماتورلار
ý آياق يالين
# بولود لاي لاي چاليردي گونشه.
# ياغيش شهرين آغاجلاريني دؤيوردو.
# قارا قزئتلر ايت كيمي هوروردولر.
# او قيز مني ساچلاريلا دارا چكيردي.
# داغ درهلري قوجاغينا گؤتوروب قاچيردي.
# داغلارين باشينا داش دوشوبدور يئرييه بيلميرلر.
# اويوموش شهرين چيراقلارينين ديبينده قارانليق يووا سالميشدي.
# قاشلاريني بوزوب گؤزلريله پيشيك كيمي ييرتيردي شهرين سيچانلاريني.
# قارا قورد ساپلاري ساريييردي بئلينه باراما قوردو كيمي كپنك اولماق ايستهييردي.
# چيلپاق آغاجدان كؤلگه داميردي تورپاغا، تورپاقدان كؤلگه بيتيردي.
# بئينيندهكي قفسده بوتون آداملاري حبسه سالميشدي.
# بير آدام گؤزلريله قارا يوللاري سوموروردو، يئرييردي.
# يارالي گونشين قانيني ايچيردي آي.
# اللريني داشلارلا يويوردو اوچرومدان دوشن شلاله.
کؤندهلن سؤزلر
· کئچل باخار گوزگویه، گئدیب باشینا توک اکر.
· قاشقاباقلی آدامین قاشی قاباقدا گئر.
· قارا آدام آغ آیران ایچسه ده آغارماز.
· دئدیلر دانیش، دئدی خانیش.
· گؤزلویو قالین اولانین، گؤنو قالین اولماز.
· گونو قارا آدام، گئجه اویاق قالار.
· بوردا منم، اوردا سن! بلکه بیزه گلهسن.
· دهییرمانچی اولماسا دا، ساچین آغارمالیدیر.
· عزراییل گلنده، قاپینی اؤرت.
· عزراییله داش آتانین عؤمرو چوخ اولار.
· گئجه قوشویا دئدیلر اوخو، دئدی گئجهدی.
· هر جورابی جیریغا آیاق یالین دئمزلر.
· پیشییین الی اته چاتماز، آیاغینین آلتینا چارپایی قویار.
· قیزا دئسن گؤزلسن، گوزگویه قنیم اولار.
· قیزین سؤزو بیر اولسا، هئچ کیم اونو آلماز.
· قیزا دئدیلر یاز، دئدی هله یاز دئییل.
چال اویناسین اژدر جکسون!
ý دونبا گؤز قزئتينين موخبورو: سؤز آتان
کئچن گون آياق يالين جنابلاري، کيراليچا ائليزابئتي آوتوبوسدا گؤروب، اونولا گؤروشمک ايستهدي. بئناوا آياق يالين دؤرد داياناجاق اونون آردينجا قاچدي آمما اونا چاتا بيلمهدي.
آياق يالين جنابلاري اونونلا مدرنلشمه باره ده دانيشماق ايستهييردي آمما مدرنلشمه داياناجاقلاردا قالدي اونا گؤره آياق يالين جنابلاري دال دالي قاييدير. بيردن بيره کؤهنه تکر کيمي پاوارئت گؤتوروب سورعتله قاچارکن کيراليچا ائليزابئتين ميندييي مدرنلشميش آوتوبوسو دا کئچيب پست مدرنلشميش آوتوبوسا چاتير. بو آوتوبوسدا هره بير هاوا چاليردي. بيري دئييردي چال اويناسين اژدر عمي. بير دئييردي تئللايي چال! تئللايي چال مايکئل جکسون! بو آوتوبوسون آداملاري بئله قراره گلديلر کي اژدر جکسون اؤز چيخيشييلا پست مدرنلشميش آوتوبوسو ايشيقلانديرسين. آياق يالين جنابلاري اژدر جکسونون چيخيشيندان سونرا کيراليچا اليزابئته دوشونوردو. او هردن بيردن آرخايا دؤنوب مدرنلشمبش آوتوبوسا باخيردي. مدرنلشميش آوتوبوسون سوروجوسو گؤزونه يئکه بير قارا عينک تاخميشدي. ساچلاري دولو وورموش زميلره بنزهييردي.
کيراليچا ائليزابئت مدرنلشميش آوتوبوسدا اوتورسادا يقين کي پست مدرنلشمهيه ده دوشونور. اونون ايفادهلري بئله گؤستهرير.
يازيقلار اولسون آيايق يالين جنابلارينا. ايندي گرک او سورئال بير حياتا اوز گتيرسين. اگر سورئال حياتي داوام ائده بيلمه سه اوندا گرک اوزونه بيرآنتي سورئال آمپولو تزريق ائتمهليدير. بيزيم بو کيراليچا دونياني دهييشمک اوزرهدير. دهييشسن ده نه دئييريک. ايستهمهينلرين باغري سؤکولسون.
يئني معلوماتلارا گؤره بيزيم بو آياق يالين جنابلاري کيراليچا ائليزابئته قسيا بير مکتوبدا بئله يازير:
.باغيشلايين بيزيم اؤنملي کيراليچا. يوللار تيکانلي اولدوغونا گؤره سيزه چاتا بيلمهديم.
آمما سيزه بير نئچه معلومات وئرمهلييم. من اؤز يولومدا هله صاديق قالميشام آخي مشه صاديق بيزه چوخ گلير. هئويک کي باشماغيم يوخدور، يوخسا حضورونوزا گلرديم و سيزينله مدرنلشمه و پست مدرنلشمه و… و… سورئاللاشما باره ده دانيشارديم. ايندي من بو اوچ دونيانين آراسيندا آوارا آوارا گزيرم و بيلميرم هانسي يولدان سيزه يئتيشه بيلرم.
à ـ قيرچييا بئل باغلايانين، عاقيبتي قيرچي اولار.
à ـ قير وئرن قيز آخيردا قيرچييا گئدر.
à ـ قيري قات قاراني سات.
à ـ بيزيم اولكهده هئچ كيم قير قازانيندان قورخمور.
à ـ قير آتيم اولسايدي قارا باغي آلارديم.
à ـ قير باهالاشاندا، قارادا باهالاشار.
à ـ قيري قات قارايا، قاراني سات قاراچييا.
à ـ قيرچي قيرسيز كوچهلرده ياشايار.
à ـ قيرچي دامينين اوستونه قير وئرمز.
à ـ قاچ قورتار قير ساققيز كيمي ياپيشانلاردان.
:: آیاق یالین
v ـ ماوي گؤزلر سني گؤزلر.
v ـ سئرچهدن موغايات اول، قارانقوش گليب گئدندير.
v ـ بورنو يئكه حسن.
v ـ اوف داغلار!
v ـ ياشاميمين يالقيز آغاجي ياندي كول اولدو. قوي مئشه يانسادا يانسين.
v ـ عؤمور بويو ياشيل ياشا.
v ـ گئت، گئت گؤزو ياسلي.
v ـ عاشيق اودور كي سئوداسينا يئتيشمهيه.
v ـ يالانچينين آخيري بالابانچي اولار.
v ـ من سنين عشقينده چيل ـ چيل خوروزام.
v ـ آز ياشا، آدام ياشا
v ـ دونيا بئش گون، اودا خوش گون.
v من Reza ياشام.
v ـ پلنگ رحمان.
v ـ جاز حسين «رحيم كعبه» رولوندا
v ـ بو ميندار دونيادان هئچ بير شئي گؤرمهديم من.
v ـ سسلندي ياشامين ناقوسو.
v ـ ديشلهدي مني قورباغالار، سنين عشق باتلاغيندا.
كيفير
ý آياق يالين
زهرمارا قالاسان
بويونو يئره سوخوم
سني دئييم ندئييم اولاسان
داش دوشسون باشينا
چالاتين تؤكولسون
بئلين بوكولسون
بوكوك ـ بوكوك اولاسان
دامارلارين دولاشسين
قانين قوروسون
قارنينا شيش باتسين
سني دئييم تاپ تاپ تاپپيلداماياسان
چوروتدون مني
ظاليم اوغلو ظاليم!
ائله هئي زاريلداياركن زيريلداييرسان
دؤيونه ـ دؤيونه دئيينيرسن
دويونه دوشهسن سني
دؤيونمهيهسن سني
مني الدن آياقدان سالدين
گئجهمه زهر قاتيب
گوندوزومو قاتيشديردين
بئينيمي يئدين
قورت قوشلار يئسين سني
سني گؤروم هئچ بير گونه چيخماياسان
مئرته قالميش اورهييم
آي داشي باشلي ايندي سئومك زاماني دير؟! هامي سؤيه ـ سؤيه قاباغا گئدير. سنسه قابيرغالارينداكي تاپپيلتيلارا قولاق آسيرسان. بير آز اؤزونه قاييت. اؤزونو قايتار اؤزونه. او مئرته قالميش اورهييني بوشلا، گل قوشول منه يئنه دونياني قاتاق. قايماغيني يئيك، قاتيغيني دا چيرپاق اونون چيركين صوفاتينا. كئچميشيني يادا سال داها بسدير تيكانلي يوللارا آياق باسيرسان. اؤزونه توکان آچيب، اؤزونو اؤزونده آساركن، آسلانيرسان. سنه هئچ اينانمازديم كي بير قيزجيغازين الينده قارغ اولاسان. سنكي هاميني قارغ ائلهميشدين. قارغييا مينيب آت چاپديغين زامانلاري نه تئز اونوتدون. بير اوتقون اؤزنه گل بو گول پوچ اوينونودا بوشلا. حيات اونسوزدا پوچدور. پيچيلتيلار دولما كيمي قولاغينا دولسا دا ائشيت او مئرته قالميش قولاغينلا منيم سسيي.
پاه آتوننان سنين! سنده سكوتا گئدرميشسن؟ قينيندان چيخ! هامي چيخيشيني گؤزلهيير. بير بارداق چاخير ايچ بوشلا بوشلوقلاردا اوچان گؤيرچينيني. گؤيرمه باغرين چاتلامسين. آتيل دونيانين آتينين بئلينه چاپ اونو ايستهدييين يئره. ساري سني سارييانلاري. ساريغيندان چيخ سيريل قاسيرغالارا. اورهيينده نه وار سيلكهله قوي تؤكولسون تيكانلي يوللارا. داها بسدير! ييغيشدير بو عشق توكانيني. ايندي عشقين بازاري كاساتدير. بيليرديم سندن آل وئرچي چيخماز. ائله حياتيندا عؤمور بويو چيلخا قالاجاقسان. نئهره کيمي اويان ـ بويانا چالخالانيب، چولغالانما. چولونو گؤتور قاچ.
آغليني باشينا ييغ! يوخ دئيهسن لاپ آغليني ايتيريبسن. سنه گرك بير آغيل دوعاسي يازديرام بلكه آغلين باشينا گلدي. مني ده بئزديريبسن. اؤزونو بوزه ـ بوزه ائله آپاريرسان كي آپاراتچي لار دا داي سني سارييير. ائشيتميشم سورغولار ايچينده بوغورموشدار سني. آمما يوخ! سن قورباغا كيمي گؤزل اوزوجوسن. هئچ كيم سني بوغا بيلمز. بوغسالاردا ايت كيمي يئددي جانين وار سنين. مني جين آتينا مينديرمه! بو مكتوبو اوخوياندان سونرا منه باش وور. بلكه يئنه او گونلره قاييديب، قيني ـ قيني دئيرك نيندي قيندي وئرديك قارني يئكه دونيايا.
ايمضاء: سؤز آتان